AZ

"Qiraət mədəniyyətinin formalaşdırılması" layihəsinin bağlanış tədbiri keçirilib - FOTOLAR

"Cığır" MDİD İB tərəfindən həyata keçirilən "Qiraət mədəniyyətinin formalaşdırılması" layihəsinin Bakı üzrə bağlanış tədbiri baş tutub.

Birliyin konfrans zalında keçirilən tədbirdə layihə üzrə qarşıya qoyulan məqsədlər, nəticələr, bu yolda qarşılaşdığımız çətinliklər, həlli yolları müzakirə edildi. Mütaliə rəhbərləri eyni zamanda çıxış edərək səmimi müşahidə və duyğularını paylaşdılar. Uşaqlar qonaqlara "Balaca şahzadə" kitabının önəmini vurğulayan interaktiv təqdimat həyata keçirərək hər birimizi bir daha mütaliənin fayda ve əhəmiyyəti haqqında məlumatlandırdılar.

Hər bir uşağa xatirə hədiyyələr-kitablar təqdim edildi. Müsabiqə əsasında seçilmiş qaliblərə sertifikatlar verildi. Sonda isə layihə çərçivəsində "Salam yurdu" təlim tədris mərkəzinin daxilində yaradılan kitabxana ilə tanışlıq həyata keçirələrək uşaqların kitabxanadan faydalanması üçün şərait yaradıldı.
Layihənin icra olunmasında dəstək verdiyi üçün QHT-lərə Dövlət Dəstəyi Agentliyinə təşəkkür edilib.

 

Seçilən
15
2
qht.az

4Mənbələr