..."Rosneft"in Kuybışev neft emalı zavodu avqustun 28-də pilotsuz uçuş aparatlarının (PUA) hücumundan sonra neft emalını dayandırıb.
SİA-nın məlumatına görə, Reuters bunu iki sənaye mənbəsinə istinadən xəbər verir.
Agentliyin mənbələrindən verilən məlumata görə, gücü ildə 7 milyon ton olan neft emalı zavodunda hər birinin məhsuldarlığı sutkada 10 min ton olan hər iki ilkin neft emalı qurğusu sıradan çıxıb.
Mənbələrin bildirdiyinə görə, Rosneft-in Samara qrupuna daxil olan və ötən il 800 min ton benzin və 1,3 milyon ton dizel istehsal edən zavodda bəzi ikinci dərəcəli proseslər də zədələnib.
Kuybışev neft emalı zavodu dron hücumları səbəbindən avqust ayında istehsalı dayandıran beşinci böyük zavod oldu.
...Avqustun 2-də Novokuibışevsk neft emalı zavodu (həmçinin Rosneft-in Samara qrupuna daxildir) xammal qəbulunu, avqustun 11-də isə Saratov neft emalı zavodu xammalın qəbulunu dayandırıb.
Avqustun 15-də Rusiyanın cənubunda ən böyük olan “Lukoyl”un Volqoqrad neft emalı zavodunun fəaliyyətini dayandırdığı məlum olub.
Elə həmin gün pilotsuz təyyarə hücumundan sonra Sızran neft emalı zavodu emal üçün neft qəbulunu dayandırıb.
Bundan əlavə, avqustun 2-də “Rosneft”in ən böyük zavodu olan, yanacağın Moskva vilayəti də daxil olmaqla satıldığı Ryazanda neft emalı zavodunun gücünün təxminən yarısı dayandırılıb.
Pilotsuz təyyarənin hücumundan sonra 5 gün ərzində yanan Rostov vilayətində yeganə olan Novoşaxtinsk neft emalı zavodunun taleyi qaranlıq olaraq qalır.
Reuters-in hesablamalarına görə, Rusiya neft şirkətləri pilotsuz təyyarələr səbəbindən neft emalı gücünün 17 faizini itirib.
Avqustda NEZ-in boş qalan gücünün həcmi tarixi rekorda imza atıb - 6,4 milyon ton və ya 23 faiz.
Buna baxmayaraq, Reuters mənbələri Rusiyada yanacaq istehsalında müqayisəli azalmanın hələ baş vermədiyini bildirib. Onların sözlərinə görə, neft şirkətləri avqust ayında hasilatı cəmi 5 faiz azaldıblar, çünki təsirə məruz qalan NEZ-lərdəki problemlər mövcud neftayırma zavodlarında istehsal gücündən istifadənin artması ilə kompensasiya edilib.
Əli Babayev
