Yaxın Şərqdə vəziyyət daha da gərginləşir.
Turkustan.az xəbər verir ki, İsrail Müdafiə Qüvvələri (IDF) Qəzzada daha bir hərbçisinin öldüyünü açıqlayıb. Məlumata görə, ehtiyatda olan polkovnik Ariel Lyubliner, 34 yaş həlak olub. Bu, 2023-cü il oktyabrın 7-dən bəri İsrail ordusunun 900-cü itkisi kimi qeydə alınıb.
Eyni zamanda, KİV İsrailin sabiq müdafiə naziri Yoav Qallanta istinadən yazır ki, Təl-Əviv “İrana qarşı daha bir tur oynayacaq”.
Bölgədə artan gərginlik fonunda Qərb ölkələri öz vətəndaşlarına xəbərdarlıq edib. Almaniya və Böyük Britaniya İranda olan vətəndaşlarını dərhal ölkəni tərk etməyə çağırıb.
İsrailin müdafiə naziri İsrael Katz isə husilərə qarşı sərt bəyanatla çıxış edib:
“Husilər ağır dərs çıxaracaq və Yəmənin taleyi İranın taleyi ilə eyni olacaq. Bu, hələ başlanğıcdır”./Musavat.com/
