Ukrayna Prezidenti Volodimir Zelenski Avropa liderlərinin Rusiya ilə sərhəddə sülh və ya atəşkəs razılaşmasının bir hissəsi kimi bufer zonanın yaradılması təklifinə reaksiya verib.
Senzor.az-ın məlumatına görə, V. Zelenski yerli mətbuata açıqlamasında sözügedən təklifi qəti şəkildə rədd edərək, bu ideyanın pilotsuz uçuş aparatlarının istifadə olunduğu müasir müharibə şəraitində reallığı əks etdirmədiyini bildirib.
“İndiki müharibələrin texnoloji vəziyyətini başa düşməyənlər bufer zona təklif edirlər”, - deyə Zelenski qeyd edib.
O vurğulayıb ki, bufer zonanın tətbiqi Ukrayna üçün ərazi itirilməsi demək ola bilər. Həmçinin o, Rusiyanın dialoq və diplomatiyaya hazır olmadığını və müharibənin bitməsini gecikdirmək üçün yollar axtardığını söyləyib.
Qeyd edək ki, Avropa mediası liderlərin atəşkəs və ya uzunmüddətli sülh razılaşması çərçivəsində iki ölkə arasında 40 kilometrlik bufer zonanı müzakirə etdiklərini yazıb.
