BAKI, 31 avqust. TELEQRAF
Çikaqo meri Brandon Conson ABŞ Prezidenti Donald Trampın əleyhinə "repressiyalara qarşı mübarizə" haqqında sərəncam imzalayıb.
Teleqraf xəbər verir ki, bu barədə "Bloomberg" məlumat yayıb .
Consonun əmri federal hüquq-mühafizə orqanları əməkdaşlarına maska taxmağı və ya üzlərini örtməyi qadağan edir. Çikaqoda hərbi nəzarət məntəqələrinin yaradılmasına qarşı çıxan mer "biz bütün çikaqoluların hüquqlarını qorumaq üçün lazım olan hər şeyi edəcəyik" - deyə bildirib.
Consonun əmri Trampın yüksək kriminal göstəriciləri nəzərdə tutaraq "Çikaqoya gələcəyəm" hədəsindən sonra verilib.
"Bloomberg"ə görə, son 10 il ərzində şəhərdə zorakı cinayətlərin və avtomobil oğurluqlarının sayı ən azı 25% azalıb.
Conson Tramp administrasiyasının şəhəri polisə Milli Qvardiya qoşunları göndərmək planlarını tənqid edib . Mer cinayətin azaldığını qeyd edib: keçən ilin eyni dövrü ilə müqayisədə atışma 36%, avtomobil qaçırma halları isə 26% azalıb.
