Azərbaycan Dövlət Neft Şirkətinin (SOCAR) payçısı olduğu "Ümid-Babək" Əməliyyat Şirkətinə yeni Korporativ Kommunikasiyalar üzrə Baş mütəxəssis təyin edilib. "PostMedia" xəbər verir ki, bu vəzifə Yeganə Ramazanovaya həvalə edilib.
Qeyd edək ki, Yeganə Razamanova bu təyinata qədər Elm və Təhsil Nazirliyinin İctimaiyyətlə əlaqələr və kommunikasiya şöbəsində çalışıb.
O, daha öncə APA İnformasiya Agentliyində, "ARB 24" televiziyasında və İpoteka və Kredit Zəmanət Fondunda isə (İKZF) mətbuat katibi kimi işləyib.
Xatırladaq ki, "Ümid-Babək" Əməliyyat Şirkətinin səhmlərinin 80%-i SOCAR-a, 20%-i isə "Nobel Upstream"ə məxsusdur.
Tarix: 1 Sentyabr 2025, 10:48
