Fransa PSJ klubunun və Ukrayna milli komandasının müdafiəçisi İlya Zabarnıy DÇ-2026-nın seçmə mərhələsindəki iki önəmli matç barədə danışıb.
İdmanxeber.az-ın məlumatına görə, ukraynalı futbolçu həm Fransa, həm də Azərbaycanla qarşılaşmaların çətin keçəcəyini vurğulayıb.
“Bu oyunlar bizim və bütün Ukrayna üçün çox önəmlidir. Ona görə də komandamız maksimum hazır olacaq. Qarşılaşmalar asan olmayacaq, amma biz onlarla bacara bilərik. Azərbaycanla səfərdə oynayacağımız ikinci matç da diqqət tələb edir. Xallar üçün mübarizəni indi başlamaq lazımdır, hər şeyi son anda həll etmək olmaz”.
