ain.az bildirir, Olke.az saytına əsaslanaraq.
Hazırda 78 yaşında olan Kraliça Kamilla yeniyetməlik dövründə qatarda naməlum bir kişi tərəfindən cinsi qısnamaya məruz qalıb. Lakin o, cəsarətli şəkildə müdafiə olunaraq hücumçunu zərərsizləşdirə bilib. Kamilla ayaqqabısını çıxararaq dabanı ilə kişinin qasıq nahiyəsinə zərbə endirməklə xilas olmağı bacarıb.
Ölkə.az xəbər verir ki, bu hadisə “Güc və Saray” adlı kitabda yer alıb.
Hadisə ötən əsrin 1960-cı illərində baş verib. O zaman gələcək kraliçanın təxminən 16–17 yaşı olub. Kamilla Paddinqtona gedən qatarda sakitcə öz işi ilə məşğul olarkən, naməlum bir kişi onun yanında əyləşərək əl-qol atmağa başlayıb.
Qeyd olunur ki, Kamilla bu əhvalatı 2012-ci ildə, İngiltərənin keçmiş baş naziri Boris Conson hələ London meri olarkən və zorlama qurbanlarına dəstək məqsədilə yeni mərkəzlər açmağa hazırlaşdığı dövrdə ona danışıb.
Conson hadisənin davamını soruşduqda, Kamilla belə cavab verib:
“Anamın mənə öyrətdiyini etdim: ayaqqabımı çıxardım və onu dabanları ilə vurmağa başladım”.
Qatar Paddinqtona çatdıqda, Kamilla sakitcə enərək bir polis məmuruna müraciət edib, hücum barədə məlumat verib və həmin şəxsin həbs olunmasını tələb edib.
Bu travmatik təcrübəyə baxmayaraq, Kraliça Kamilla hadisə haqqında nadir hallarda açıq danışır. O, diqqətini zorakılığın digər qurbanlarına yönəltməyə üstünlük verir.
Qeyd edilir ki, illər ərzində Kamilla cinsi və məişət zorakılığı ilə mübarizədə aparıcı fiqura çevrilib. Xüsusilə, Kornuoll hersoginyası olaraq 2012-ci ildə zorlama və zorakılıqla mübarizə aparan bir təşkilat üçün qəbul təşkil edən kral ailəsinin ilk üzvü olub.
Hadisənin gedişatını izləmək üçün ain.az saytında ən son yeniliklərə baxın.
