NATO ölkələri Ukrayna üçün ABŞ-dan 2 milyard dollar dəyərində silah sistemləri satın alıb.
“Poliqon” NEXTA-ya istinadən xəbər verir ki, bu barədə NATO-nun Baş katibi Mark Rütte Lüksemburqda keçirdiyi mətbuat konfransında bildirib.
“NATO ölkələri Prioritetləşdirilmiş Ukrayna Tələbləri Siyahısı təşəbbüsü çərçivəsində Ukrayna üçün ABŞ-dan cəmi bir neçə həftə ərzində 2 milyard dollar dəyərində ölümcül və müdafiə silahları alıblar”, – deyə Baş katib qeyd edib.
Xatırladaq ki, daha əvvəl ABŞ Prezidenti Donald Tramp, Amerika istehsalı silahların Kiyevə göndərilməsi barədə razılıq əldə edildiyini və bu xərclərin NATO tərəfindən qarşılanacağını açıqlamışdı.
