Şimali Koreya lideri Kim Çen In xüsusi zirehli qatarı ilə Çinə səfər edib.
"Cebheinfo.az" “Qafqazinfo”-ya istinadən xəbər verir ki, bu barədə məlumatı “Yonhap” agentliyi yayıb.
Bildirilib ki, qatar sentyabrın 1-də Pxenyanı tərk edib, sentyabrın 2-nə keçən gecə isə Çinlə sərhədi keçib.
Qatarın Pekinin dəmir yolu stansiyasına çatdığı qeyd olunub.
Qeyd edək ki, Kim Çen In Pekində İkinci Dünya müharibəsinin başa çatmasının 80-ci ildönümü ilə bağlı tədbirdə iştirak edəcək. Bu, Şimali Koreya liderinin belə bir çoxtərəfli diplomatik tədbirdə ilk iştirakıdır.
"Cebheinfo.az"
