Fransalı aktyor Jerar Depardye aktrisa Şarlotta Arnunu zorlamaq ittihamı ilə yenidən məhkəmə qarşısına çıxıb. 76 yaşlı aktyoru 20 ilə qədər həbs gözləyir.
Publika.az xəbər verir ki, bu barədə BFMTV-yə gizli mənbə danışıb.
Bildirilir ki, Arnu hələ 2018-ci ildə məhkəməyə şikayət edib. Sosial şəbəkələrdə o, mövcud şəraitdən “çox məmnun olduğunu” və onları “inanılmaz” hesab etdiyini yazıb.
Qeyd edək ki, 2025-ci ilin mayında Paris məhkəməsi Depardyeni "Yaşıl Panjurlar" filminin çəkiliş qrupunun iki üzvünə qarşı cinsi təcavüzdə təqsirli bilib. Müəyyən edilib ki, 2021-ci ildə çəkiliş meydançasında fransız kino ulduzu 54 yaşlı Ameli adlı dekorator və 34 yaşlı rejissor köməkçisi Saranı dəfələrlə təqib edib.
