BAKI, 3 sentyabr. TELEQRAF
Krım körpüsündə nəqliyyatın hərəkəti müvəqqəti olaraq bağlanıb.
Teleqraf xəbər verir ki, bu barədə Telegram kanalında məlumat verilib.
Körpüdə və yoxlama zonasında olanlar polisin göstərişlərinə əməl etməyə çağırılıb.
Federal Hava Nəqliyyatı Agentliyinin nümayəndəsi Artem Korenyakonun sözlərinə görə, Gelendjik hava limanında təyyarələrin gəlişi və gedişi ilə bağlı müvəqqəti məhdudiyyətlər tətbiq edilib .
“Shot” Telegram kanalının verdiyi məlumata görə, Ukrayna pilotsuz təyyarələri Krasnodar vilayətində bir neçə yaşayış məntəqəsinə hücum edib, azı beş güclü partlayış səsi eşidilib.
