BAKI, 3 sentyabr. TELEQRAF
Yanvar-iyun aylarında Azərbaycanda daxili turizm məqsədilə vətəndaşların çəkdiyi xərclərin ümumi məbləği 2 milyard 526,8 milyon manat təşkil edib.
Teleqraf Dövlət Statistika Komitəsinə istinadən xəbər verir ki, bu ötən ilin eyni dövrü ilə müqayisdə 13.6% çoxdur.
Ən çox xərc alış-veriş və hədiyyələrin alınmasına çəkilib. – 647,2 milyon manat. Bundan başqa qidalanmaya 616,6 milyon manat, yerləşmə xidmətlərinə 467,9 milyon manat, nəqliyyat xidmətlərinə isə 373,2 milyon manat xərclənib.
Səfər məqsədlərinə gəldikdə isə, daxili turistlərin əksəriyyəti, yəni, 4 milyon 450,2 min nəfəri – istirahət və əyləncə məqsədilə səyahət edib. 3 milyon 901,5 min nəfər qohum və dostlarını ziyarət edib. İşgüzar məqsədlə səyahət edənlərin sayı 1 milyon 4,1 min nəfər, müalicə məqsədilə səyahət edənlər 775,1 min nəfər təşkil edib. Mağazalara baş çəkmək üçün 322,1 min nəfər, dini ziyarət məqsədilə isə 103,1 min nəfər səfərə çıxıb.
