Azertag portalından alınan məlumata görə, ain.az xəbər verir.
Astana, 3 sentyabr, AZƏRTAC
Qazaxıstan və Çin 100 MVt gücündə böyük məlumat mərkəzi tikmək barədə razılığa gəliblər.
AZƏRTAC Qazaxıstan mətbuatına istinadla xəbər verir ki, bunu “Kazaktelekom” SC-nin İdarə Heyətinin sədri Bağdat Musin bildirib.
O əlavə edib: “Biz 100 MVt gücündə məlumat mərkəzinin tikintisindən danışırıq. Daha aydın olmaq üçün qeyd edim ki, bu, bərpaolunan enerji mənbələri üzərində işləyəcək bütöv bir İT resursları şəhəridir”.
“Kazaxtelekom” və “China Energy Overseas Investment” arasında bağlanan saziş Qazaxıstan Prezidenti Kasım-Jomart Tokayevin Pekində səfəri zamanı imzalanıb. Sazişə əsasən, 20 MVt gücündə ilk modulun tikintisinə 2026-cı ildə başlanacaq. Bağdat Musin bu razılaşmanı Qazaxıstanın süni intellekt infrastrukturunun inkişafının gələcəyi adlandırıb.
Elşən Rüstəmov
AZƏRTAC-ın xüsusi müxbiri
Astana
Ən son xəbərləri və yenilikləri almaq üçün ain.az saytını izləyin.
