Astana, 3 sentyabr, AZƏRTAC
Karaqanda Akademik Musiqili Komediya Teatrı (Qazaxıstan) dost ölkələrin incəsənət kollektivlərini ənənəvi “DosStar” payız operetta və musiqi festivalına dəvət edir.
AZƏRTAC-ın Karaqanda vilayəti administrasiyasının mətbuat xidmətinə istinadla verdiyi xəbərə görə, festival artıq 14-cü dəfədir təşkil edilir. Bu il musiqisevərlər üçün bayram sentyabrın 19-dan 21-dək keçiriləcək.
Festivalda altı ölkədən: Qazaxıstan, Azərbaycan, Rusiya, Özbəkistan, Tacikistan və Macarıstandan olan artistlər iştirak edəcəklər.
Elşən Rüstəmov
AZƏRTAC-ın xüsusi müxbiri
Astana
