ABŞ Polşaya təhlükəsizlik təminatlarını genişləndirməyə, o cümlədən ölkədəki Amerika hərbi kontingentini artırmağa hazırdır.
APA "TVP Info"ya istinadən xəbər verir ki, bunu Polşa prezidenti Karol Navrotski Ağ Evdə ABŞ lideri Donald Trampla danışıqlardan sonra jurnalistlərə açıqlayıb.
“Təhlükəsizlik təminatları ilə bağlı məsələ həm açıq görüşdə, həm də nümayəndə heyətlərinin tam tərkibdə iştirak etdiyi iclasda səsləndirildi”, – deyə Polşa dövlət başçısı vurğulayıb.
Navrotski əlavə tədbirlərin nədən ibarət olacağını açıqlamayıb.
