"Qadın ifaçılar "satılıq mal" kimi özlərini səhnəyə çıxardırlar. Almanın üstünə parafin vururlar ki, parıldasın. Siləndə görürsən ki, dadlı deyil".
Publika.az xəbər verir ki, bu sözləri Xalq artisti Faiq Ağayev müğənni Kərim Abasovun "Meqa şou" verilişində deyib. Ağayev xanım ifaçıları tənqid edib:
"Üstəgəl Qafqazda, Azərbaycanda qadın özünü o vəziyyətə salmamalıdır. Elə insanların qarşısını kəsərdim. Bədənin var, qoy sevgilin, həyat yoldaşın onu görsün. Amma efirə belə geyinmə. Gedib əməliyyat edib həkimlərə pul qazandırmısan. Həkim də kimdən qazanmalıdır?".
