1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Tovuz rayonunda gəlinini döyən qayınana cəzalandırılıb.
Oxu.Az-ın məlumatına görə, hadisə rayonun Abulbəyli kəndində baş verib.
Rayonun Dönük Qırıqlı kənd sakini, 1971-ci il təvəllüdlü Sona Ağayeva (adı və soyadı şərtidir) Abulbəyli kəndinə, oğlunun evinə gəlib. O, evdə gəlini Səkinə Mustafayeva ilə mübahisə edib. Mübahisə davaya çevrilib və qayınana gəlinin saçından tutaraq sürüyüb. Daha sonra o, gəlini sillə və təpik zərbələri ilə döyüb.
Hadisə yerinə polis əməkdaşları gəliblər. Faktla bağlı protokol tərtib edilərək məhkəməyə göndərilib.
Tovuz Rayon Məhkəməsində qayınana ilə gəlinə barışıq təklif olunsa da, Samirə Mustafayeva onunla barışmayıb.
Məhkəmənin qərarı ilə S.Ağayeva 300 manat cərimə olunub.
