“Yüksəkdəqiqlikli komplekslər” holdinqi (“Rostex”-in bir hissəsi) Rusiya Müdafiə Nazirliyinə avtomatlaşdırılmış artilleriya atəşinə nəzarət üçün maşınların yeni partiyasını təhvil verib.
Herbiand.az “Rostex” Dövlət korporasiyasının mətbuat xidmətinə istinadən bildirir ki, göyərtədə quraşdırılmış “Planşet-M-IR” sistemi real vaxt rejimində hədəflər üzrə rəqəmsal məlumatları, o cümlədən pilotsuz uçuş aparatlarından videonu komandirin iş stansiyasına ötürür ki, bu da düşmən mövqelərini sürətli və effektiv atəşə tutmağa imkan verir.
Dövlət korporasiyasından qeyd edilib ki, “Planşet-M-IR” müxtəlif artilleriya bölmələrinə asanlıqla uyğunlaşdırılır və bütün növ sursatlarla atəşi dəstəkləyir. Sistem məlumatları sürətlə emal edir, bu da atəşə hazırlaşmaq üçün tələb olunan vaxtı azaldır və zərbələrin dəqiqliyini artırır.
Bundan əlavə, “Planşet-M-IR”-in quraşdırıldığı zirehli şassi şəxsi heyət üçün riskləri azaldır və yüksək hərəkətliliyi təmin edir. Bu, mövqeləri tez dəyişməyə və artilleriya atəşinə effektiv nəzarət etməyə imkan verir.
Bəxtiyar CƏFƏRLİ
