Qarabağı könüllü tərk etmiş ermənilərin 16 mindən çoxu Ermənistan vətəndaşlığı alıb.
APA Ermənistan mediasına istinadən xəbər verir ki, bu barədə daxili işlər nazirinin müavini Armen Kazaryan bildirib.
Onun sözlərinə görə, onlardan 11 259 nəfəri prezidentin fərmanı ilə Ermənistan Respublikasının vətəndaşlığını alıb.
Nazir müavini qeyd edib ki, 5000-dən çox yetkinlik yaşına çatmayan şəxs isə valideynləri pasportlarını dəyişdirdikdə avtomatik olaraq vətəndaşlıq əldə edib.
