İranın xarici işlər naziri Abbas Əraqçi bəyan edib ki, Vyanada keçirilən danışıqlar zamanı tərəflər “ikitərəfli əməkdaşlıq üçün yeni çərçivələrin əldə olunmasına yaxınlaşıblar”.
Musavat.com xəbər verir ki, Əraqçinin sözlərinə baxmayaraq, “The Wall Street Journal” qəzetinin jurnalisti Lorens Norman diplomatik mənbələrə istinadla bildirib ki, danışıqlarda əslində yalnız “çox cüzi irəliləyiş” qeydə alınıb.
Onun sözlərinə görə, Vyanadan gələn siqnallar və İran ilə Beynəlxalq Atom Enerjisi Agentliyi arasındakı müzakirələr hələlik xüsusi ümidverici görünmür.
Musavat.com
