“Qarabağ” Futbol Klubunun (FK) baş məşqçisi Qurban Qurbanov jurnalistləri oğlu Musanın toyuna dəvət edib.
Mia.az xəbər verir ki, toy sentyabrın 8-də “Neolit” restoranında olacaq.
“Qarabağ”ın baş məşqçisi Qurban Qurbanovun yeganə oğlu olan Musa “Qoç Ət restoran və Fermer market” MMC-nin rəhbərlərindən biri olan Sənan Təhməzovun qızı Əsmər Umidzadə ilə ailə quracaq.
Qardaşların biznesinə aid olan “Qoç Ət” Şuşada açılan ilk restorandı. Restoranın yerləşdiyi Pənahəli xan küçəsindəki binanı da onlar təmir edib. Ümumiyyətlə, “Qoç Ət” həm də xüsusi kontingenti ilə fərqlənir. Əsasən, dindar təbəqənin insanlarının üstünlük verdiyi ictimai iaşə müəssisəsi kimi tanınır.
Sənan Təhməzovun qızı, Musa Qurbanlının nişanlısı Əsmər Umidzadə Bakı Dövlət Universitetini bu il bitirib. Onun Musa ilə nişanına dair görüntülər sosial şəbəkədə maraqla qarşılanmışdı. Görüntülərdə bahalı brendlərə məxsus əşyalar və dəstlər Qurbanovun gəlininə necə səxavətli oldugu müzakirəsini yaratmışdı.
Zülfiyyə Mustafayeva
Mia.az
