Azərbaycan milli komandasının sentyabrın 9-da Ukrayna yığması ilə Bakıda keçirəcəyi DÇ-2026-nın seçmə mərhələ oyununun hakim təyinatları açıqlanıb.
Operativ Media xəbər verir ki, Tofiq Bəhramov adına Respublika Stadionunda baş tutacaq görüşü Yunanıstandan olan hakimlər briqadası idarə edəcək.
Görüş FIFA referisi Vassilis Fotiasa tapşırılıb. Onun köməkçiləri isə Andreas Meintanas və Mixail Papadakis olacaq. Dördüncü hakim funksiyasını Anastasios Papapetru yerinə yetirəcək. VAR-da Angelos Evangelu və Yoannis Papadopulos yer alacaq.
Qeyd edək ki, sentyabrın 9-də Tofiq Bəhramov adına Respublika stadionunda keçiriləcək oyun saat 20:00-də start götürəcək.
