BAKI, 8 sentyabr. TELEQRAF
Böyük britaniyalı arxeoloqlar bir mağazanın altında orta əsrlər dövrünə aid 317 insan skeleti aşkar ediblər.
Teleqraf xəbər verir ki, skeletlər Qlosterdə keçmiş Debenhams univermağının yerində aşkar edilib.
Hazırda burada Qloster Universitetinin kampusu inşa edilir. Qazıntılar “Cotswold Archaeology” təşkilatı tərəfindən aparılıb, təşkilat əvvəllər bu ərazidə Roma dövrünə aid daha 83 məzar aşkar edib.
Qazıntılar zamanı insan qalıqları ilə yanaşı, tütün borusu və şərab şüşəsinin fraqmentləri də daxil olmaqla müxtəlif əşyalar aşkar edilib ki, bu da tapıntıların orta əsrlərin sonlarına aid olduğunu göstərir.
Sentyabrda açılışı olacaq universitet kampusunda aşkar edilmiş artefaktların sərgisinin təşkil edilməsi planlaşdırılır. Sərgidə insan qalıqlarının nümayiş etdirilməyəcəyi bildirilir.
