Böyük Britaniyanın müdafiə naziri Con Healy kiçik qayıqlarda gələn miqrantların yerləşdirilməsi üçün hərbi təyinatlı torpaqlardan istifadə ilə bağlı Daxili İşlər Nazirliyi ilə müzakirələrin aparıldığını açıqlayıb.
Vətəninfo.az xəbər verir ki , Con Hili bu barədə Sky News telekanalına müsahibəsində bildirib.
Onun sözlərinə görə, kiçik qayıqlarla gələn və Böyük Britaniyada olmaq hüququ olmayan insanların müvəqqəti yerləşdirilməsi üçün hərbi və qeyri-hərbi ərazilərdən istifadə müzakirə edilir.
“Mən buna Daxili İşlər Nazirliyi ilə baxıram və başa düşürəm ki, Böyük Britaniyanın öz sərhədlərinə nəzarət etmək qabiliyyətinə ictimai etimadın itirilməsi məsələsi həll edilməlidir”, – nazir deyib.
KİV qeyd edib ki, söhbət ölkənin daxili işlər nazirinin sığınacaq axtaranları otellərdən keçmiş hərbi bazalardakı kazarmalara köçürmək planlarının mümkünlüyündən gedir.
