Mərakeşin Atlantik sahillərində iddialı enerji layihəsinə start verilir, bu layihə çərçivəsində onlar ildə 200 min tona qədər yaşıl hidrogen və ammonyak hasil etməyi planlaşdırırlar...
Poliqon Ecoticias-a istinadən xəbər veriur ki, söhbət Çbika Yaşıl Hidrogen və Ammonyak Zavodundan gedir.
Onlar günəş və külək enerjisindən istifadə etməklə dəniz suyundan əldə edilən hidrogen əsasında yaşıl ammonyak istehsal etməyi planlaşdırırlar. Tikilən qurğuların ən azı 1 QVt elektrik enerjisi istehsal etməsi planlaşdırılır.
Mərakeşin İnvestisiya Nazirliyi, MASEN agentliyi, həmçinin beynəlxalq tərəfdaşlar, o cümlədən TotalEnergies, Copenhagen Infrastructure Partners və A.P.Moller Capital həyata keçirməyə qoşulub. Elektrik stansiyalarının tikintisi üçün 300 min hektardan çox torpaq sahəsi ayrılıb.
Bu layihə Mərakeşin Yaşıl Hidrogen Təklifi milli strategiyasının bir hissəsidir. Ümumilikdə ildə 20 QVt bərpa olunan enerji, 10 QVt elektrolizator və 8 milyon ton hidrogen törəmələrinin yaradılması planlaşdırılır.
Avropa İttifaqı üçün bu təşəbbüs strateji əhəmiyyət kəsb edir. Çünki bu, əvvəllər Avropa ehtiyaclarının təxminən 40%-ni təmin edən Rusiya qazından asılılığı azaltmağa imkan verir. Mərakeşdən gələn yaşıl ammonyak enerji, nəqliyyat və kənd təsərrüfatı sektorları üçün, o cümlədən karbonsuz yanacaq və gübrə kimi ixrac məhsuluna çevriləcək.
Poliqon.info
