1-ci Liqa təmsilçisi "Şəfa"nın sıralarında olan, bakılıların Qəbələ toplanışına da aparılan hücumameyilli yarımmüdafiəçi Ramin Nəsirli iki gün öncə komandanın düşərgəsini tərk edib.
Fanat.Az-ın əldə etdiyi məlumata görə, təxminən 1 il futboldan uzaq qalan 22 yaşlı oyunçunun performansı baş məşqçi Elgiz Kərəmlini qane etsə də, tərəflər müqavilə şərtləri ilə bağlı razılığa gələ bilməyiblər.
Nəsirlinin yeni mövsümə harada başlayacağı indilik qeyri-müəyyəndir. Belə ki, o, klub rəhbərliyinin təklif etdiyi məvacib qarşılığında "Şəfa"da oynamağa razılaşacağı halda, yenidən komandaya qayıda bilər.
Xatırladaq ki, "Şəfa" ötən mövsüm 2-ci Liqada 2-ci yeri tutaraq 1-ci Liqada oynamaq hüququ qazanıb.
Nihat
