Türkiyə – İspaniya matçında zədə almış "Atletik Bilbao"nun futbolçusu Niko Uilyams 6 həftə yaşıl meydanlardan uzaq qalacaq.
Manset.az xəbər verir ki, bu barədə "Marca" nəşri məlumat yayıb.
Məlumata görə, Konyada keçirilən Türkiyə – İspaniya qarşılaşmasında zədələnən ispan futbolçusu, matçın ikinci hissəsində meydana çıxa bilməyib. Uilyamsın yerinə "Barselona"nın hücumçusu Ferran Torres oyuna daxil olub.
Zədənin ciddiliyinə görə, Uilyamsın 6 həftəlik müalicə və reabilitasiya müddətinə ehtiyacı olduğu bildirilir. Bu, "Atletik Bilbao"nun heyətində vacib bir itkiyə səbəb olacaq, çünki Niko Uilyams mövsümün ən yaxşı oyunçularından biridir.
