Müəllif: Mehin Qasımova, Banco.az
ABŞ-da yerləşən Meta şirkətinə məxsus “WhatsApp” mesajlaşma proqramının keçmiş təhlükəsizlik şefi şirkəti məhkəməyə verib.
Banco.az xəbər verir ki, bu barədə The New York Times məlumat yayıb.
Şikayətçi “WhatsApp”ın milyardlarla istifadəçisini risk altında qoyan təhlükəsizlik və məxfilik zəifliklərinin aradan qaldırılmadığını iddia edib.
Onun sözlərinə görə, minlərlə şirkət əməkdaşı “WhatsApp” istifadəçilərinin həssas məlumatlarına çıxış əldə edə bilir. Həmçinin Meta hər gün 100.000-dən çox hesabı hədəf alan kiberhücumlarla kifayət qədər mübarizə aparmır.
Keçmiş təhlükəsizlik rəhbəri Baig iddia edir ki, o, CEO Mark Zuckerberg də daxil olmaqla, şirkət rəhbərliyini yoxlamalar zamanı aşkar etdiyi təhlükəsizlik boşluqları barədə xəbərdar edib. Lakin bu addımı səbəbilə “qisas” olaraq fevral ayında işdən çıxarılıb.
Meta-nın sözçüsü ittihamları rədd edərək bildirib ki, bu iddialar komandamızın ağır işini təhrif edən və zəif performansa görə işdən çıxarılan keçmiş işçinin əsassız iddialarıdır.
