Meksikanın Atlakomulko şəhərində sərnişin avtobusunun qatarla toqquşması nəticəsində 8 nəfər ölüb, 45 nəfər isə yaralanıb.
Manset.az xarici mediaya istinadən xəbər verir ki, qəza Atlakomulco sənaye zonasındakı dəmir yolu keçidində baş verib. İkimərtəbəli sərnişin avtobusu dəmir yolu relslərini keçmək istəyərkən, yük qatarı ilə toqquşub.
İlkin məlumata əsasən, hadisə nəticəsində 8 nəfər həyatını itirib, 45 nəfər isə, o cümlədən bəziləri ağır olmaqla, müxtəlif dərəcəli xəsarətlər alıb. Hadisə yerinə dərhal çoxsaylı təcili yardım və yanğınsöndürən maşınları cəlb olunub.
Qəzayla bağlı araşdırmalar davam etdirilir.
