Rusiya Federasiyasının Prezidenti Vladimir Putin Baş Qərargah rəisini “İgidliyə görə” ordeni ilə təltif edib.
"Cebheinfo.az" xəbər verir ki, bu barədə Rusiyanın "Kremlevskaya tabakerka" Teleqram kanalı məlumat yayıb.
Məlumata görə, bundan sonra Valeri Vasiliyeviç Gerasimova yaxın mənbələr bizimlə əlaqə saxladılar və qeyd etdilər.
“Vladimir Putinin bu qərarı onu göstərir ki, yaxın gələcəkdə Baş Qərargah rəisini heç kim əvəz etməyəcək (biz bu cür planlar haqqında yazmışdıq). Prezident Valeri Vasiliyeviç Gerasimovun Rusiya qarşısında böyük xidmətlərini etiraf edib. Valeri Vasiliyeviç Gerasimov öz vəzifəsində kifayət qədər uzun müddət işləyəcək. Mütləq “Xüsusi Hərbi Əməliyyat”ın sonuna qədər və daha uzun müddətə olacağını düşünürəm”, - kanala açıqlama verən mənbələrdən biri bu barədə deyib”.
Müdafiə Nazirliyindəki yüksək rütbəli mənbə onunla razılaşmır.
“Rusiya Prezidenti Vladimir Putin tərəfindən Baş Qərargah rəisini “İgidliyə görə” ordeni ilə təltif çox güman ki, vida olacaq. Vladimir Vladimiroviç Putin Baş Qərargah rəisinin xidmətlərini etiraf edib.
Lakin bu, cəbhədəki vəziyyəti dəyişməyəcək (Prezident qoşunlarımızın irəliləmə tempindən və Mərkəzi Hərbi Dairə daxilində mühüm, əhəmiyyətli uğurların əldə olunmamasından razı deyil).
Problemlər yaranır (mənbə nəyi nəzərdə tutduğunu izah etməyib - red.) Ona görə də mən Gerasimovun tezliklə fəxri təqaüdə göndəriləcəyini gözləyirəm. Andrey Mordviçev isə Baş Qərargahın rəhbəri olacaq”.Mənbə Rusiyadakı yeni Baş Qərargah rəisinin ən geci ilin sonuna kimi meydana çıxacağını proqnozlaşdırır.Eyni zamanda, Kreml Gerasimovun gələcəyini şərh etmir. Qeyd edilir ki, Putin lazım olduqda vaxtında qərarlar verəcək.
“Vedomosti” nəşri isə Müdafiə Nazirliyinə yaxın mənbələrə istinadən xəbər verir ki, Rusiya Silahlı Qüvvələrinin Baş Qərargah rəisi Valeri Vasiliyeviç Gerasimovun hərbi xidmət müddəti uzadıldığına dair ehtimalın yüksək olduğunu bildirir.
Amma sentyabrın 8-də Baş Qərargah rəisinin 70 yaşı tamam olub və onun təqaüdə getməsi ehtimalı daha çoxdur. Bu yaş hərbi xidmət üçün maksimum hesab olunur. Lakin 2021-ci ildə qanunvericiliyə edilən düzəlişlər Prezidentə generalların və marşalların xidmət müddətini 70 yaşdan artıq uzatmağa imkan verir.
Ona görə də Gerasimovun deyildiyi kimi bir neçə ay vəzifəsində qalacağını gözləmək olar. Generalın yaş həddi bağlı istefaya gönmdəriləcəyi barədə deyilənlər isə inandırıcı görünmür.
2024-cü ilin may ayında Sergey Şoyqunun müdafiə naziri postundan azad edilməsindən və Ukraynadakı hərbi əməliyyatlara komandanlığın birbaşa Gerasimova həvalə edilməsindən sonra Rusiya ordusu cəbhədə xeyli qələbələr əldə edib. İşğal edilmiş ərazilərin genişlənməsi məhz Gerasimovun əməliyyatlara birbaşa rəhbərlik etməsi dövrünə təsadüf edir.
Eyni zamanda, Prezident Putinin Gerasimovdan narazı qalması üçün ciddi əsaslar var. Bu da çox güman ki, Ukraynaının Rusiya ərazisinə endirdiyi zərbələrin sayının artması ilə bağlıdır. Baş Qərargah rəisi Rusiyanın dərinliklərində genişlənən müharibənin qarşısını ala bilmir. Son bir ayda Rusiyanın 40 neft email zavodu, bir neçə neft kəməri sıradan çıxarılıb.
Rusiyada benzin qıtlığı yarandığından yanacaqdoldurma məntəqələrində növbələr müşahidə olunur. “Aİ-95” premium markalı benzin isə tapılmır. Ukrayna dronları Rusiya ərazisindəki hərbi obyektləri asanlıqla vura bilir. Rusiya rəhbərliyi baş verənlərə rəsmi münasibət bildirmək istəməsə də baş qərargah rəisinin təqaüdə göndərilməsi prezidentin vəziyyətdən kifayət qədər narazı qaldığını göstərir.
