525.az saytından alınan məlumatlara görə, ain.az xəbər verir.
Avropa Komissiyasının sözçüsü Olof Gill Donald Trampın Rusiya-Ukrayna müharibəsinə son qoymaq üçün Avropa liderlərinin ABŞ-a səfər edəcəkləri barədə açıqlamasına münasibət bildirib.
525.az xarici KİV-ə istinadən xəbər verir ki, o, ABŞ prezidentinin açıqlamasını yalanlayıb.
O.Gill bildirib ki, hazırda Avropa liderlərinin planında belə bir səfər yoxdur.
"Hazırda belə səfər nəzərdə tutulmayıb. Təbii ki, mən Aİ-yə üzv ölkələrin adından danışa bilmərəm, amma bildiyimə görə, Vaşinqtonda Aİ-nin sanksiyalar üzrə xüsusi nümayəndəsi David O'Sullivandan başqa lider yoxdur”, - o deyib.
Olof Gill Aİ Komissiyasının sədri Ursula fon der Leyenin ABŞ-nin vitse-prezidenti Ceyms Devid Venslə telefon danışığı apardığını vurğulayıb. Qurum sözçüsü qeyd edib ki, söhbətin əsas mövzusu Ukrayna və Aİ-ABŞ əməkdaşlığında növbəti addımların koordinasiyası olub.
Olof Gill əlavə edib ki, Avropa Komissiyası hazırda Rusiyaya qarşı növbəti sanksiyalar paketini hazırlayır.
İsgəndər Həsənov
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
