Cənubi Afrikadan olan keşiş Coşua Mhlakela İsa Məsihin sentyabrın 23-də Yerə qayıda biləcəyini elan edib. O, bəzi xristianların Qiyamət Gününün Bibliya peyğəmbərlikləri ilə əlaqələndirdiyi Roş-Ha-Şana bayramına təsadüf edə biləcəyini iddia edib.
AzPost bildirir ki, bu barədə “Nyu-York Post” (NYP) xəbər verir.
YouTube-da viral olan videosunda keşiş İsanın ona göründüyünü söyləyib: “Mən İsanı taxtda oturmuş halda gördüm. Onun yüksək səslə “Mən tezliklə gəlirəm” dediyini eşitdim.”
Mhlakela daha sonra dəqiqləşddirib: “O, mənə “2025-ci il sentyabrın 23 və 24-də Yerə qayıdıram”.
Videonu şərh edənlərin çoxu pastorun həqiqəti dediyinə əmin olduqlarını bildiriblər.
Xristian esxatologiyasındakı Rəbb möminlərə yeddi illik xaos və fəlakət dövründən, Müsibətdən əvvəl xilası vəd edir, bundan sonra İsa Allahın Padşahlığını quracaqdır.
Eyni zamanda, həm möminlər, həm də skeptiklər xatırladırlar ki, heç kim Qiyamət Gününü və saatını bilmir. Ona görə də İsa çətin ki, bizi əvvəlcədən xəbərdar etsin.
Bir çoxları artıq simovilk olaraq 7 və 8 sentyabrda “qırmızı ayı” müşahidə edib – Tam Ay tutulması zamanı ay qırmızı rəngə boyandı. Bəziləri bunu İoelin peyğəmbərliyi ilə əlaqələndirir (2:28-31): “Rəbbin böyük və dəhşətli günü gəlməzdən əvvəl günəş qaranlığa, ay isə qanla örtüləcək.”
Bundan əvvəl Oksforddan olan tədqiqatçılar 3 aprel 33-cü ildə Qüds üzərində Ay tutulmasının İsanın çarmıxa çəkilmə tarixinə təsadüf etdiyini irəli sürmüşdülər. Bu, TikTok-da səs-küyə səbəb olmuşdu.
