Müəllif: Tamara Mustafayeva, Banco.az
Avropa İttifaqı (Aİ) müdafiə üçün əvvəlcədən 150 milyard avro ayıracaq.
Banco.azxəbər verir ki, Avropa Komissiyasının yaydığı yazılı açıqlamaya görə, İttifaq üzrə müdafiə hazırlıqlarını gücləndirməyi hədəfləyən ümumilikdə 150 milyard avroluq SAFE mexanizmi çərçivəsində maliyyə dəstəyinin üzv ölkələrə “ön bölgü” üsulu ilə paylanmasını nəzərdə tutan plan qəbul edilib.
Yekun bölgü Aİ üzvlərinin müdafiə layihələri və hazırlıq səviyyələrinə əsasən formalaşacaq.
Buna görə ən yüksək payı 43 milyard 734 milyon 100 min 805 avro ilə Polşa alıb.
Polşanı 16 milyard 680 milyon 55 min 394 avro ilə Rumıniya, 16 milyard 216 milyon 720 min 524 avro ilə Fransa, 16 milyard 216 milyon 720 min 524 avro ilə Macarıstan, 14 milyard 900 milyon avro ilə İtaliya, 8 milyard 340 milyon 27 min 698 avro ilə Belçika, 6 milyard 375 milyon 487 min 840 avro ilə Litva, 5 milyard 841 milyon 179 min 332 avro ilə Portuqaliya, 5 milyard 680 milyon 431 min 322 avro ilə Latviya izləyib.
Bolqarıstan 3 milyard 261 milyon 700 min avro, Estoniya 2 milyard 660 milyon 932 min 171 avro, Slovakiya 2 milyard 316 milyon 674 min 361 avro, Çexiya 2 milyard 60 milyon avro, Xorvatiya 1 milyard 700 milyon avro, Cənubi Kipr Rum İdarəsi 1 milyard 181 milyon 503 min 924 avro, İspaniya və Finlandiya hər biri 1 milyard avro, Yunanıstan 787 milyon 669 min 283 avro və Danimarka 46 milyon 796 min 822 avro pay alıb.
Bizi sosial şəbəkələrdən izləyin!!
