Milli.az saytından əldə olunan məlumata görə, ain.az məlumat yayır.
Sentyabr ayı, xüsusilə 1 və 17 tarixləri, Polşa üçün tarixin qaranlıq dövrlərini əks etdirir. 1939-cu ilin sentyabrında Polşanın işğalı ilə İkinci Dünya Müharibəsi başlayıb. 86 il sonra? ötən gecə Polşa yenə də sərhəd təhlükəsizliyi və hava məkanının müdafiəsi məsələləri ilə gündəmdədir.
1939-cu ilin 1 sentyabrında Almaniyanın Polşaya hücumu ilə İkinci Dünya Müharibəsi başlayıb. Almaniyanın Polşaya hücumu İkinci Dünya Müharibəsinin başlanğıcı olub. Bu hücumun ardından 17 sentyabrda Sovet İttifaqı da Polşaya hücum edərək ölkəni iki cəbhədən işğal etdi. Bu hadisələr Polşanın müstəqilliyinin itirilməsinə və milyonlarla insanın həyatını itirməsinə səbəb olub.
Bu ilin sentyabrında Polşa yenə də təhlükəsizlik məsələləri ilə qarşı-qarşıyadır. 10 sentyabr tarixində, Polşanın hava məkanına daxil olan və Rusiyaya məxsus olduğu ehtimal edilən bir neçə pilotsuz uçuş aparatı (PUA) Polşa Hərbi Hava Qüvvələri tərəfindən vurulub. Bu hadisə Polşanın hava məkanının pozulması ilə əlaqədar Baş nazir Donald Tusk tərəfindən təcili iclas çağırılmasına səbəb olub.
Eyni zamanda, Polşa Belarusla sərhədini tamamilə bağlamağı planlaşdırır. Bu addım, Belarusda keçiriləcək "Qərb-2025" hərbi təlimləri ilə əlaqədar olaraq, sərhəd təhlükəsizliyini təmin etmək məqsədi güdür.
ABŞ konqresmeni Co Vilson "X hesabında yazıb ki, Rusiyanın Polşaya hücumu müharibə aktıdır. "İranın "Şahid" PUA-larının NATO üzvü olan Polşaya hücumu müharibə aktından başqa bir şey deyil", - o bildirib.
Hazırda III Dünya Müharibəsi başlamasa da, mövcud münaqişələr və gərginliklər qlobal miqyasda müharibənin başlanması riskini artırır.
Bəxtiyar Umarlı
Milli.Az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
