Şimali Atlantika Alyansı ilk dəfə Rusiya pilotsuz təyyarələrinin Polşaya hücumuna rəsmi cavab verib. Onlar Polşa rəhbərliyi ilə əlaqə saxladıqlarını bildiriblər.
Qaziler.az bildirir ki, bu barədə RBC-Ukrayna Alyansın mətbuat katibinin bəyanatına istinadən xəbər verir.
NATO Rusiya pilotsuz təyyarələrinin Polşanın hava məkanını pozmasını hələlik qiymətləndirməyib. Alyansın mətbuat katibi qısa şərhində birbaşa Rusiyanın adını çəkməkdən yayınıb.
"Gecə saatlarında çox sayda dron Polşanın hava məkanına daxil olub və onları Polşanın hava hücumundan müdafiə sistemləri və NATO-nun hava hücumundan müdafiə sistemləri qarşılayıb. Alyansın baş katibi Polşa rəhbərliyi ilə əlaqə saxlayır və NATO Polşa ilə yaxından məsləhətləşmələr aparır", - o qeyd edib.
QAZİLER.AZ
