“New York Times” qəzeti ABŞ prezidenti Donald Trampı Qəzza zolağında münaqişənin həllinə dair qərarsızlıqda və sistemli yanaşmanın olmamasında ittiham edib. Nəşrin mövqeyinə görə, hədəfi HƏMAS-ın yüksək rütbəli üzvləri olan Dohada İsrail hərbi əməliyyatını məhz ABŞ liderinin bu siyasəti mümkün edib.
NYT-nin qeyd etdiyi kimi, Tramp Ağ Evə qayıtmazdan əvvəl İsrailin baş naziri Netanyahuya Fələstin münaqişəsini dayandıracağına söz verib, lakin o vaxtdan bəri ABŞ lideri problemin həllində heç bir irəliləyiş əldə etməyib. Trampın ziddiyyətli bəyanatlar verdiyi, ehtimal edilən sülh nizamlanması üçün verilən müddətlərin qaçırıldığı vurğulanır.
Nəşrin yazdığına görə, İsrail məhz Trampın qeyri-sabit siyasətinə görə münaqişəni davam etdirmək üçün fəaliyyət azadlığı əldə edib. Bütün bunlar beynəlxalq ictimaiyyətin ciddi tənqidinə səbəb olan bir sıra hərəkətlərə səbəb oldu, NYT yazır.
Xatırladaq ki, İsrail dünən Qətərin paytaxtı Dohaya hava zərbələri endirib. Hücumun hədəfi danışıqlarda iştirak edən HƏMAS liderləri olub.
Almaz Həsənli
