Rusiya istehsalı olan pilotsuz uçuş aparatlarının Polşa ərazisinə hücumu fonunda NATO Şimali Atlantika Müqaviləsinin 4-cü maddəsini tətbiq edib.
Editor.az xəbər verir ki, bu barədə Polşa hökumətinin sözçüsü Adam Şlapka Polsat News telekanalına açıqlamasında məlumat verib.
Onun sözlərinə görə, artıq müvafiq prosedura çərçivəsində məsləhətləşmələr keçirilib.
Maddə 4 nəyi nəzərdə tutur?
Şimali Atlantika Müqaviləsinin 4-cü maddəsinə əsasən, üzv dövlətlərdən hər hansı biri ərazi bütövlüyünə, siyasi müstəqilliyinə və ya təhlükəsizliyinə təhlükə gördüyü halda, NATO müttəfiqləri ilə birgə məsləhətləşmələr apara bilər.
//Samir Qurbanov, Editor.az
