Madridin “Atletiko” klubu heyətini gücləndirmək məqsədilə yeni transfer imkanlarını nəzərdən keçirir.
90deqiqe.Az-ın “Fichajes”ə istinadən yaydığı məlumata görə,"döşək ustaçıları" “Tottenhem”in yarımmüdafiəçisi Rodriqo Bentankuru transfer etmək variantını araşdırır.
28 yaşlı futbolçunun London klubu ilə müqaviləsi 2026-cı ilin yayına qədər qüvvədədir. Bu isə o deməkdir ki, “Atletiko” gələn mövsüm uruqvaylı ilə azad agent kimi müqavilə bağlaya bilər.
Bentankur “Tottenhem”in heyətində indiyədək 117 rəsmi oyuna çıxıb, 9 qol vurub və 8 məhsuldar ötürmə edib. Hazırda “Tottenhem” İngiltərə Premyer Liqasının turnir cədvəlində 4-cü pillədə qərarlaşıb.
