Tovuzda xəsarətlərlə nəticələnən yol-nəqliyyat hadisəsi baş verib.
Bizim.Media-nın yerli bürosunun məlumatına görə, hadisə rayonun Əlimərdanlı kəndi ərazisində qeydə alınıb. Hərəkətdə olan "Prius" markalı maşın "Opel"lə toqquşub və nəticədə avtomobillər körpüdən aşıblar.
Qəza zamanı 1989-cu il təvəllüdlü Zaur Mehdiyev və 2002-ci il təvəllüdlü Ağası Məmmədov müxtəlif dərəcəli bədən xəsarətləri alaraq Tovuz rayon Mərkəzi Xəstəxanasına yerləşdiriliblər.
Onlara ilkin tibbi yardım göstərilib, vəziyyətlərinin orta-ağır olduğu bildirilir.
İlkin məlumata görə avtomobillər taksi fəaliyyəti ilə məşğul olublarmış. Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
