"İnter"in yarımmüdafiəçisi Hakan Çalhanoğlu İtaliya klubunu tərk edə bilər.
Operativ Media bu barədə "Fichajes"ə istinadən xəbər verir.
Mənbənin məlumatına görə, 31 yaşlı türklə "Qalatasaray" maraqlanır. Tərəflər artıq futbolçunun yayda mümkün transferi ilə bağlı danışıqlar aparsalar da, mümkün transferi qışa təxirə salıblar. Türkiyə klubunun yarımmüdafiəçi üçün 10 milyon avro ödəyəcəyi gözlənilir.
Çalhanoğlu 2021-ci ilin yayından "İnter"də çıxış edir. 2024/25 mövsümündə yarımmüdafiəçi 47 matçda 11 qol vurub, 8 məhsuldar ötürmə edib.
