İnnovasiya və Rəqəmsal İnkişaf Agentliyi (İRİA) beynəlxalq təşkilatlarla əməkdaşlıqların qurulması istiqamətində danışıqlar aparır.
“APA-Economics” xəbər verir ki, bunu jurnalistlərə açıqlamasında İRİA-nın idarə heyətinin sədri Fərid Osmanov deyib.
O bildirib ki, artıq beynəlxalq İT şirkəti olan “Epam Systems” şirkətinin ölkəmizə gəlməsi yekunlaşmaq üzrədir:
“Həmin təşkilatla birlikdə Azərbaycanda müvafiq insan kapitalının formalaşdırılması və beynəlxalq layihələrin icrası istiqamətində artıq real fəaliyyətlərə başlanılıb. Digər beynəlxalq təşkilatların da ölkəmizə gəlməsi istiqamətində sistemli işlər aparılır”.
