Əhəmiyyətli ulduzları öz heyətinə daxil edən "Qalatasaray" transfer pəncərəsinin bitməsinə 2 gün qaldığı halda, önəmli fürsət yaranmasa, yeni həmlə etməyəcək.
Manset.az-ın xarici mediaya istinadən əldə etdiyi məlumata görə, "Qalatasaray" bu transfer dönəmində az amma "saz" gücləndirmələr etdi.
Müddətli oyunçu Viktor Osimhenin transferini 75 milyon avroya təmin edən sarı-qırmızılılar Leroy Sane və İlkay Gündoğan üçün klublarına ödəmə etmədi, Uğurcan Çakır və Sinqoya isə 60 milyon avroya yaxın sərmayə qoyublar.
Heyətini tanınmış adlarla gücləndirən sarı-qırmızılılar bir çox adlarla artıq yollarını ayırıb, xarici kvotanı boşaldıblar.
Barış Alper Yılmazı NEOM-a satmayan rəhbərlik hazırkı oyunçu bazasını kafi hesab edir.
Sarı-qırmızılılar əhəmiyyətli fürsət yaranmadığı halda, hələ iki gün olmasına baxmayaraq, transfer pəncərəsini bağlayıb.
