"Fənərbaxça”da yeni baş məşqçi Domeniko Tedesko dünən axşam saatlarında komanda ilə ilk məşqinə çıxıb.
Manset.az Sabah-a istinadən xəbər verir ki, gənc çalışdırıcının ilk dəyişiklik qərarı braziliyalı yarımmüdafiəçi Fredlə bağlı olub. Mourinyo dövründə əsasən müdafiə missiyası ilə çıxış edən futbolçunun yeni taktiki planlarda rəqib qapısına daha yaxın mövqedə oynayacağı bildirilib.
Tedesco təqdimat zamanı rəhbərliyə Fredin hücumlarda daha effektiv ola biləcəyini, onun zərbə potensialından istifadə etməyi planlaşdırdığını vurğulayıb. Kluba yaxın mənbələrin məlumatına görə, ilk mövsümündəki oyunundan uzaq qalan futbolçu bu qərarı müsbət qarşılayıb.
