Misli Premyer Liqasının 4-cü turunda Qubada "İmişli"nin qonağı olacaq "Sumqayıt" oyuna bir itki ilə çıxacaq.
Bunu Fanat.Az-a açıqlamasında "kimyaçılar"ın sözçüsü Zaur Xudiyev deyib:
"Komandada cəzalı oyunçu yoxdur. Hazırda yalnız bir zədəli futbolçumuz var ki, o da U-21-in oyununda duzindən xəsarət alan Ayxan Süleymanlı. Düzdür, Süleymanlının bu gün səhər keçdiyi MRT müayinəsinin nəticəsi hələ açıqlanmayıb, amma böyük ehtimalla, "İmişli"yə qarşı oynamayacaq".
Qeyd edək ki, "İmişli" - "Sumqayıt" qarşılaşması sentyabrın 13-də keçiriləcək. Quba Olimpiya İdman Kompleksinin stadionunda reallaşacaq matçın start fiti 16:30-da səsləndiriləcək.
Nihat
