Hazırda Tiber çayında suyun çirklənmə səviyyəsi insan sağlamlığı üçün təhlükə yaradır.
AZƏRTAC xəbər verir ki, bunu Roma şəhərinin meri Roberto Qualtieri deyib.
O vurğulayıb ki, çayın suyunun təmizlənməsi üçün institutlararası İşçi qrupu yaradılıb, bu qrup üçün lazımi investisiyalar ayrılacaq.
Roma meri deyib ki, mümkün xərclərlə bağlı qiymətləndirmələr aparılıb: “Bu, Parisdəkindən aşağı olacaq. Çünki Sena çayında yüksək səviyyədə çirklənmə var idi”.
Roberto Qualtieri diqqətə çatdırıb ki, həyata keçirilən işlər nəticəsində 5 ildən sonra Tiber çayında çimmək mümkün olacaq.
