Salyanda kanalda kişi meyiti tapılıb.
BAKU.WS "Unikal"a istinadən xəbər verir ki, meyit rayonun Yenikənd kəndi ərazisində kanalda aşkar edilib.
Məlum olub ki, meyit kənd sakini 2006-cı il təvəllüdlü Əhməd Ramil oğlu Dadaşzadəyə məxsusdur. Sözügedən şəxs sentyabrın 6-da evdən çıxıb və bir daha geri qayıtmayıb.
19 yaşlı oğlanın meyiti müayinə olunmaq üçün Salyan Rayon Məhkəmə Tibbi Ekspertizası və Patoloji Anatomiya Mərkəzinə aparılıb.
Fakt araşdırılır.
