Belarusda 52 siyasi məhbus azad edilib.
Yeniavaz.com xəbər verir ki, onların arasında jurnalist və bloqqer İhar Losik, filosof Vladimir Matskeviç, anarxist Nikolay Dziadok, fəal Dmitri Daşkeviç, həmçinin Belsat telekanalının bir qrup jurnalisti və 14 xarici ölkə vətəndaşı var.
Digərləri arasında ölkə prezidenti Aleksandr Lukaşenkonun ən barışmaz əleyhdarlarından biri olan Nikolay Statkeviç azadlığa buraxılıb.
Lukaşenko azad edilmiş siyasi məhbusları Litvaya deportasiya etmək qərarına gəlib. Statkeviç getməkdən imtina edib. Belsat əlavə edib ki, bəzi digər azad edilmiş siyasi məhbuslar da Belarusu tərk etmək istəmir. Digər siyasi məhbuslar, görünür, artıq Litva ilə sərhədi keçiblər.
Siyasi məhbusların azadlığa buraxılması Lukaşenkonun Ağ Evin sözçüsü, əvvəllər ABŞ Prezidenti Donald Trampın vəkili, hazırda isə onun Ukrayna üzrə xüsusi nümayəndəsi Keyt Kelloqun köməkçisi Con Koulla görüşdüyü gün məlum olub. Koul ilə görüşdə Lukaşenko belaruslu siyasi məhbuslarla bağlı “sövdələşmə” təklif edib, eyni zamanda onların mövcudluğunu inkar edib. “Bizim Cinayət Məcəlləsində belə [siyasi] maddələr yoxdur”, - Lukaşenko deyib.
Lukaşenko ilə danışıqlardan sonra Koul bildirib ki, ABŞ Belavia Hava Yollarına qarşı sanksiyaları ləğv edəcək və səfirliyinin Minskə qaytarılması məsələsinə baxacaq.
