Müəllif:Mehin Qasımova,Banco.az
"Apple" "iPhone" qiymətlərini qaldırmağa hazırlaşır.
Banco.az xəbər verir ki, bu barədə Bloomberg agentliyi məlumat yayıb.
Məlumata görə, istifadəyə verildiyi səkkiz il ərzində qiymətlər bir qədər artıb.
Nəşrin qeyd etdiyi kimi, "iPhone 17" təqdimatından əvvəl analitiklər ABŞ Prezidenti Donald Trampın Çin mallarına tətbiq etdiyi tariflər səbəbindən əhəmiyyətli qiymət artımı proqnozlaşdırmışdılar. Lakin qiymət artımı mülayim olub. Pro modelləri 999 dollardan 1099 dollara qədər bahalaşıb.
Bununla yanaşı, agentlik belə təmkinliyin sonsuza qədər davam etməyəcəyini proqnozlaşdırır. "Apple" tariflərin xərclərini qeyri-müəyyən müddətə ödəyə bilməyəcək və "iPhone" istehsalının Çin və Hindistandan köçürülməsi artan xərclərin problemini aradan qaldırmayacaq.
Nəşr vurğulayır ki, şirkət artıq 2000 dollarlıq "iPhone" dövrünün yaxınlaşdığını bildirməyə başlayıb. "iPhone 17 Pro Max" ilk dəfə 2 terabayt yaddaşa malik versiyanı 1999 dollara təklif edir. Vurğulanır ki, "Apple" müştərilərin əhəmiyyətli hissəsinin bunu ödəməyə razı olduğuna əmin olmasaydı, belə bir qiymət təyin etməzdi.
