Ayna saytından alınan məlumatlara görə, ain.az xəbər verir.
Qərar faktiki olaraq siyasətçiyə uzunmüddətli həbs müddətini təmin edir
Braziliyanın Ali Məhkəməsi keçmiş Prezident Jair Bolsonaronun dövlət çevrilişinə cəhddə təqsirli bilinməsi üçün lazım olan üç səs çoxluğunu təmin edib. AYNA.AZ “France-Press”ə istinadən bildirir ki, qərar faktiki olaraq siyasətçiyə uzunmüddətli həbs müddətini təmin edir.
Hakim Karmen Lusia 70 yaşlı keçmiş ifrat sağçı lideri 2022-ci il seçkilərində solçu siyasətçi Luiz İnasio Lula da Silvaya məğlub olduqdan sonra hakimiyyəti çevirmək planında təqsirli bilən beş hakimdən üçüncüsü idi.
Keçmiş ordu kapitanı Bolsonaronu yeni Prezidenti devirmək məqsədi ilə cinayət təşkilatına rəhbərlik etmək də daxil olmaqla, beş ittihamla 40 ildən çox həbs cəzası gözləyir.
Hazırda Bolsonaro ev dustaqlığındadır. Keçmiş Prezident bütün ittihamları rədd edir.
2022-ci il oktyabrın sonlarında Braziliyada keçirilən prezident seçkilərinin ikinci turunda Luiz İnasio Lula da Silva qalib gəlib. Lakin Lula da Silvanın andiçmə mərasimindən sonra Bolsonaro tərəfdarları parlamentə, Ali Məhkəməyə və dövlət başçısının iqamətgahına basqın ediblər. Nəticədə dövlət çevrilişinə cəhdlə bağlı araşdırmaya başlanılması qərara alınıb.
Hadisənin gedişatını izləmək üçün ain.az saytında ən son yeniliklərə baxın.
